2025 ke shuru hote hi India aur Pakistan mein zabardast garmi ne records tod diye hain. Temperature bahut jagah 48°C tak pahuch chuka hai lekin jiski wajah se health aur agriculture dono par bada asar pad raha hai.

Aayiye jaante hain kya ho raha hai aur kaise aap safe reh sakte hain.

1. 2025 Heat Wave Kya Hai?

April ke mahine se hi India ke north aur west regions mein garmi apne peak par hai. Bhut jagah toh temperature normal se 5–8°C zyada record ho raha hai. Rajasthan ke Sri Ganganagar mein temperature 48°C tak pahuch chuka hai. Sirf April mein 195 logo ki maut heat stroke aur dehydration ki wajah se ho chuki hai joki bhut sad news hai.

2. Sabse Zyada Risk Kisko Hai?

Is garmi se sabhi prabhavit hain lekin kuch logon ke liye ye aur zyada khatarnak hai:Bachche aur budhe Bahar kaam karne wale log Rural areas jahan light ya cooler ya AC nahi hai

3. Kyu Ye Garmi Khatarnak Hai?

Sirf health nahi, agriculture bhi khatre mein hai. Farmers ke fields sukhe pad chuke hain, crops jaise rice, cotton aur soy ki farming ruk gayi hai. Food prices mein bhi asar dekhne ko mil raha hai.

4. Bachav Ke Tarike: [very important]

Zyada se zyada paani piyen ya ORS ka istemal karein, Dopahar ke time bahar sirf kaam se niklein Halke aur cotton ke kapde peheno, Sunscreen lagana na bhoolen, heating pe dhyan dein jaise chakkar, tez heartbeat ya garmi se behoshi

5. Government Kya Kar Rahi Hai?

IMD ke alerts jari hain. Cooling centers khole ja rahe hain aur pani supply bhi provide ki ja rahi hai. Authorities continuously monitoring kar rahi hain.

Final Message 2025 ki heat wave bahut high level pe hai lekin agar aap sahi tarike follow kroge to safe reh sakte ho. Paani piyen, safe jagah par rahen aur dusron ki madad karein.